هام جدا : اجراءات ومراحل التقديم بالهيئات القضائية المختلفه

عدل سابقا من قبل Admin في 3/10/2009, 5:45 pm عدل 1 مرات

بسم الله الرحمن الرحيم

تنوية :- هذا الموضوع منقول من منتدى المنصورة

اولا : هيئة النيابة الادارية

أولاً:- السحب والتقديم
أ- ميعاد السحب

يوم ...حسب الواردفى الاعلان... ان شاء الله هتروحوا تسحبو الملف وسعر الملف 50 جنيه وميعاد السحب هيبقى من يوم ...حسب الاعلان........الى يوم ......حسب الاعلان... ودا نفس ميعاد التقديم أى انك خلال هذه المدة تسحب الملف وتقدمه

ب- محتويات الملف

حضرتك بعد ماتسحب الملف ستجده مكون من الاتى :-
1- طلب تعيين باسم السيد المستشار رئيس هيئة النيابة الادارية
2- وثيقة تعارف لمرشح عضو نيابة ادارية (مكونة من ورقة واحدة تملأ بمعرفة المرشح)
3- وثيقة تعارف لجميع العائلة حتى المعارف ان وجد( وطبعاً يتكتب فيها أضل المعارف من حيث المركز الاجتماعى على شرط ميكونش من اللى مكتوبين قبل ذلك فى الاقارب أو الاصهار) ودى طبعاً بتيكون فيها خانات للأقارب وأزواجهم بالتفصيل فيراعى الدقة وعدم الشطب لذلك صور الوثيقة صورة واملأها اولاً ثم انقل منها فى الأصل وبعد كده صور الأصل صورتين عشان هيخدوهم منك ( ومتنساش صور صورة لنفسك عشان ان شاء الله لما تجيلك تحريات تبقى تراجع بياناتك منها لأنك هتتسأل فيها هناك أسألة خفيفة كما سيأتى لاحقاً )
ج- التقديم
هتروح تقدم الملف بتاعك على أقصى تقدير يوم .....أخر يوم فى الاعلان...... الموظف اللى هيستلم منك الملف يراجعه وهيديك وصل صغير بالاستلام فيه تاريخ الاستلام وهيقولك تيجى يوم كذا تعرف ميعاد المقابلة الشخصية بتاعتك

ثانياً : المقابلة الشخصية

سوف تتفضل مشكوراً وتروح فى اليوم اللى الموظف هيقولك عليه تيجى تعرف يوم امتحانك فيه (وده فى نفس المكان اللى انت سحبت وقدمت فيه الملف) هتلاقى طابور طويل من الدور الثانى الى الشارع تقف فيه الى أن يأتى عليك الدور وتدخل هتلاقى كشوف متعلقة على الحيط تشوف فين الكشف الخاص بجامعتك وتروح عليه تعرف انت امتحانك يوم كام والساعة كام واللجنة رقم كام ورقمك فى اللجنة بتاعتك كام تتفضل مشكوراً تروح وتيجى فى يوم الامتحان (المقابلة الشخصية )واللى هيكون عنوانه ( 5 شارع ذكى _ التوفيقية_أمام سنترال رمسيس ) روح والف مين يدلك العنوان ميتوهش .

تطلع الدور الرابع على ما أذكر هيتم ترتيبكم والمناداة على الاسماء وأخذ البطاقة من كل واحد وتجميعكم فى دفعات 6ب6 تدخلو على اللجنة ( نصيحة من أخ ) أهم حاجة فى المقابلة الاعصاب الهادئة الاسئلة سهلة جداً (أهم حاجة ذاكر الاسئلة اللى موجودة على المنتدى بس وان شاء الله مش هتخرج عنها وكل الاعضاء اللى فى المنتدى هيأكدولك الكلام ده) بعد الاعصاب الهادئة والاسئلة اللى على المنتدى المظهر العام ان لم يكن هو رقم 1 فى المقابلة ثم اللباقة وحسن الرد على السؤال بمعنى ان المستشاريين هيركزوا فيك على الاتى :-
مظهرك وطريقتك وانت داخل وطريقة جلوسك ( يعنى مثلاً متقعدشى على طرف الكرسى ولا تحرك يدك كثيراً أثناء الاجابة وهكذا يعنى لا تتوتر)
اسلوبك فى الرد على السؤال وطريقة اجابتك وفهمك للسؤال حتى لو مجوبتش صح المهم ازاى هتقدر تخرج من المأزق وتقدر تقنعهم باجابتك ولو معرفتش الاجابة أوعى تسكت حاول تجاوب على قد مفهمت السؤال بس متلخبطش الامور فى بعضها جاوب ولو اجابة قريبة من السؤال وبالتوفيق ان شاء الله
وبعد كده الانتظار لحين نزول تحريات واللى ان شاء الله مش هتغيب يعنى حوالى شهر شهر ونص شهرين بالكتير

ثالثاً :- نزول التحريات (بدأنا فى الجد)
بعد المقابلة سيتم اختيار الاخوة والاخوات اللى تم اجتيازهم للأمتحان فى المقابلة لنزول تحريات لهم ( أمن دولة وجنائى واللى هنفصل بيحصل فيهم ايه ان شاء الله) تمهيداً لاختيار الصفوة منهم للكشف الطبى ان شاء الله .

أولاً:- تحريات أمن الدولة

بعد ماحضرتك تنجح فى الاختبار الشخصى ان شاء الله بيتم ارسال ملفك لمكتب الامن بوزارة العدل واللى بدورها بتقوم بارسال نسخة من الوثيقة (اللى حضرتك مليتها بنفسك وصورتها صورتين) لأمن الدولة والنسخة الثانية لمصلحة الامن العام.
هيتصل بيك أمين الشرطة بتاع أمن الدولة اللى حضرتك تابع لدائرته وهيقولك حضرتك تشرفنا النهاردة أو بكرة على أقصى تقدير ( هما مبيكتروش علن كده) لأن حضرتك ليك تحريات نيابة ادارية عندنا وتجيب مع حضرتك صورة من الوثيقة اللى انت قدمتها فى الملف (زى ماقولتلك صور لنفسك صورةعشان كده) وصور جميع مستندات الممتلكات اللى انت قدمتها مع الملف والاصول للأطلاع (وخد معاك كمان ورق فلوسكاب كفاية وقلم لأنك هتنقل الوثيقة كلها تقريباً من جديد بخط ايدك) تعمل اللى هيقولك عليه وتروح فى الميعاد المحدد وطبعاً معاك البطاقة بعد متخلص كتابة هيدخلك للضابط عشان يسألك شوية أسألة فى الوثيقة بتاعتك واللى دائماً بتكون عن الاشخاص اللى لهم ملفات فى أمن الدولة من أقاربك ولو مفيش بيسألك أسألة روتينية عشوائية عن بعض أفراد العائلة أو المعارف اللى موجودين فى الوثيقة وبس خلاص بيقولك أتفضل مع السلامة وبالتوفيق ان شاء الله وبتاخد بطاقتك وتمشى وبعدين نرجع تانى للأنتظار لكن المرة دى مش كتير اسبوع ولا اثنين وتلاقى المباحث بعتالك (استر يا رب)

ثانياً:- تحريات المباحث
بيتصل بيك الخفير أو أمين الشرطة أو الموظف المختص بالتحريات فى المباحث وبيقولك هتجيلنا الساعة كذا يا حضرتالاسلوب مختلف تماماً عن أمن الدولة (وتجيب معاك الاوراق بتاعتك) بتروح فى الميعاد المحدد لك وهناك هتلاقى المستخبى بان يا معلم كل واحد فى اللى اتكتبو فى الوثيقة كان عليه أى حاجة ياباشا مصلحة الامن العام بتبعت بيه ورقة كبيرة مكتوبة على الكمبيوتر باللى عليه من أحكام للتحرى عنها الموظف هيقولك روح صورلنا دى نسخة ( النسخة الثانية من الوثيقة اللى انت كنت مصورها وفيها جواب مصلحة الأمن العام اذا كان أحد من الاقارب عليه حكم ولا حاجة ) بتصورها وترجعله وبقى صور جواب المصلحة(ان وجد) كمان نسخة ليك هتنفعك بعد كده ويا اما يعملك التحريات بتاعتك وانت واقف وتخلص يا أما بيقولك هيجيلك أمين شرطة المباحث للتحرى عنك وعن الاشخاص اللى فى الوثيقة ( وأسيبلك انت بقى تكتشف اللى بيحصل فى الفترة دى بنفسك عملى يا باشا)

رابعاً:- مرحلة ما بعد التحريات ( الانتظارثم الانتظار ثم الانتظار )
بعد متخلص التحريات بتاعة المباحث وأمن الدولة بيبعتو هما بقى التحريات دى على ضوء ما أسفرت عنه للوزارة(مكتب الامن العام بوزارة العدل مرة أخرى) واللى بدورها بتبعت التحريات مع الملف مرة أخرى للهيئة كى تربط الملفات بالرباطة الحكومية الشهيرة الى أن يأذن الله لها أن تفك ويتم النظر فيها للأختيار منها الاشخاص اللى هيتم نزول كشف طبى لهم ان شاء الله ودا طبعاً بعد استبعاد المحظورين أمنياً واللى تحرياتهم كانت سيئة

سادساً :- الكشف الطبى (الف الف مبروك ياباشا)
ادعولى ربنا يوفقنى وينزلى كشف طبى وانا هبلغكم ان شاء الله بيحصل فيه ايه بالظبط (اللى أعرفه عن الكشف الطبى ان أحد المستشاريين بيتصل بيك وبيقولك الف مبروك حضرتك قبلت فى النيابة الادارية وهتيجى يوم كذا الساعة كذا عشان تكشف طبى وهيقولك على المكان فى دفعة 2006 قالو لناس تيجو فى نفس مكان المقابلة وناس فى مصلحة الطب الشرعى وده كان بالليل والكشف بيكون عينة بول فقط للكشف عن المخدرات واللى بيكون فى مصلحة الطب الشرعى بالوزارة) وبالتوفيق ان شاء الله

سابعاً :-نزول اسماء المعينين فى الجرائد (الرسمية (والله الف مبروك ياباشا بس متنساناش وربنا يقدرك ويعينك على أداء مهامك الوظيفية على أكمل وجه )

بعد كده بيتم التنسيق مع الاعضاء الجدد على ميعاد حلف اليمين واستلام الكارنيهات والذى منه
أود انى أكون قدمت ولو أستفادة بسيطة جداً للأعضاء الجدد ان شاء الله.

أسألكم الدعاء لى بالتوفيق وبكل خير والقبول فى النيابة الادارية ان شاء الله

عدل سابقا من قبل Admin في 6/8/2009, 8:17 pm عدل 1 مرات

ثانيا : مجلس الدولة

أولاً:- السحب والتقديم

أ- ميعادالسحب (هناك اختلاف عن الإدارية فى سعر الملف والعنوان)

يوم ...حسب الواردفى الاعلان... ان شاء الله هتروحوا تسحبو الملفوسعر الملف 100 جنيه وميعاد السحب هيبقى من يوم ...حسب الوارد فىالاعلان........الى يوم ......حسب الاعلان... ودا نفس ميعاد التقديم أىانك خلال هذه المدة تسحب الملف وتقدمه وطبعاً الملف بيتسحب من مجلس الدولة فى الجيزة واللى عنوانه (2-شارع عصام الدالى-الدقى –الجيزة)

ب- محتويات الملف (هناك اختلاف عن الإدارية)

حضرتك بعدماتسحب الملف ستجده مكون من الاتى :-
1- طلب تعيين باسم السيد المستشار نائب رئيس مجلس الدولة
2- ثلاثة وثائق تعارف لجميع العائلة ودى طبعاً بتكون فيها اماكن للأقارب وأزواجهم ولكن ليس بالتفصيل الوارد فى وثائق النيابة الادارية فيراعى الدقة وعدم الشطب لذلك صور الوثيقة صورة واملأها اولاً ثم انقل منها فى الأصل وهنا مش عايزين منك تصور الوثيقة لأنك هتاخد ثلاثة نسخ كلهم أصل من الوثيقة وهتملأهم الثلاثة ( ومتنساش صور صورة لنفسك عشان ان شاء الله لما تجيلك تحريات تبقى تراجع بياناتك منها لأنك هتتسأل فيها هناك أسئلة خفيفة كما سيأتىلاحقاً )
3- ورقة ارشادات بالبيانات المطلوبة والاوراق الازم ارفاقها مع الوثائق فى الملف ( وهذه الورقة هتأخذها مرة أخرى لما تقدم الملف بتاعك ان شاء الله والموظف هيمضيلك عليها باستلام الملف وتاريخ الاستلام)
ملحوظة:- الوثائق فى المجلس ثلاثة لأن المجلس فيه تحريات أمن قومى ودى زيادة عن التحريات اللى فى الادارية فأمن الدولة بياخذ نسخة والمباحث(الجنائى) بتأخذ نسخة والثالثة من نصيب الامن القومى(المخابرات)

ج- التقديم
هتروح تقدم الملف بتاعك علىأقصى تقدير يوم .....أخر يومفىالاعلان...... الموظف اللى هيستلم منك الملف هيراجعه وهيديكورقة الارشادات( اللى كانت مع الملف بتاعك ) وهيمضيلك عليها بالاستلام وهيكتبلك عليها تاريخ الاستلام وهيديك ورقة تلغراف تملأها(الاسم والعنوان بالتفصيل) وهوا دا التلغراف اللى هيبعتوهولك ويبلغوك بميعاد المقابلة أن شاء الله . (التقديم طبعاً فى نفس مكان السحب)

ثانياً : المقابلةالشخصية

هيجيلك تليفون من السنترال اللى انت تابع له وبيقولولك حضرتك ليك تلغراف عندنا من مجلس الدولة اتفضل تعالى استلمه هتروح تستلم التلغراف هتفتحة هتلاقى مكتوب فيه ميعاد المقابلة بتاعتك باليوم والساعة تتفضل مشكوراً تروح فى الميعاد المحدد وطبعاً فى نفس العنوان هتلاقى هناك جامعتك كلها هيتم استقبالكم فى قاعة المؤتمرات فى الدور الرابع وهنا هتشوف الفرق بين المجلس وأى هيئة أخرى المهم هينادى عليكم الموظف المختص ويرتبكم بطريقة معينة بحيث تدخلو على اللجنة خمسة بخمسة .
لكن هنا فيه ملاحظة عايزك تخلى بالك منها كويس:.
المجلس غير أى هيئة أخرى بمعنى ان فى المجلس التقدير له دور كبير جداً وكذلك المقابلة ودى اللى تهمنا لأن التقدير خلاص كان كلامه ايام الدراسة طيب المقابلة مهمة ازاى أقولك أول شئ تذاكر الاسئلة الموجودة على المنتدى بعناية أكثر من أى مرة سابقة ليه لأن مذاكرتك بعناية هتخلى عندك ثقة فى الاجابة فهترد على السؤال بثبات ودا مطلوب جداً جداً فى المجلس على وجه الخصوص وعلى فكرة ممكن تتسأل فى قضية من القضايا انا شخصياً اتسألت فى قضية واللى فادنى انى كنت مارست المحاماة لفترة بعد التخرج مباشرة المهم الثبات وانت بتجاوب أحرص على ان تكون اجابتك صحيحة لو تفتكر فى المشاركة اللى فاتت بتاعت النيابة الادارية قلتلك الاجابة الصحيحة مش مشكلة المهم متسكتش جاوب ولو اجابة قريبة المهم انك متتزعزعش ولا تتوتر الكلام ده الا فى المجلس فى المجلس تجاوب صح ومعاك تقدير هينزلك تحريات غير كده لأ فنصيحتى الاولى لك يا ابن الناس المذاكرة وعلى فكرة الاسئلة مبتطلعش عن اللى فى المنتدى ذاكرها وادعيلى.
وبعد كده الانتظار لحين نزول تحريات واللى ان شاء اللهمش هتغيب وعلى فكرة المجلس بيبقى سريع شوية فى الموضوع ده

ثالثاً :- نزول التحريات(بدأنا فى الجد)

راجع المشاركة السابقة

ولكن هنا اختلاف بسيط عن الادارية وهو:-
تحريات الامن القومى (المخابرات)
فمجلس الدولة بينزل تحريات أمن قومى على عكس الادارية وبخصوص تحريات الامن القومى المجلس بيرسل وثيقة من الثلاث وثائق اللى حضرتك مليتهم للمخابرات لعمل تحريات لك وهذه التحريات بتكون سرية يعنى انت مبتاخدش عنها خبر ودا المفروضطبعاً لكن الواقع واللى اتحكالى من أحد الناس القريبين منى من اللى نزلهم تحريات مجلس قبلنا بكام دفعة قالى ان اثنين راحوله البيت وقالوله انهم من الامن القومى وان جالهم ما يفيد اجراء التحريات على فلان الفلانى وقالوله احنا عايزيين الحلاوة يا باشا طبعاً متأخرش عنهم لكن طبعاً انت مبتاخدش خبر بيهم المفروض وممكن يرحولك وانت متعرفهمش المهم انهم بيتحرو عنك بطريقتهم واياً كانت الطريقة المهم ان فى المجلس تحريات أمن قومى على عكس الادارية ودا اللى ممكن يخلى التحريات تاخد شوية وقت.

رابعاً:- مرحلة ما بعد التحريات(الانتظارثم الانتظارثم الانتظار)لكن المجلس مبيطولش زى الادارية

بعد اما تخلص التحريات بتاعة المباحث وأمن الدولة والامن القومى بيبعتو هما بقى التحريات دى على ضوء ماأسفرت عنه للوزارة(مكتب الامن العام بوزارةالعدل مرة أخرى)واللى بدورها بتبعت التحريات مع الملف مرة أخرى للمجلس كىتربط الملفات بالرباطة الحكومية الشهيرة الى أن يأذن الله لها أن تفك ويتم النظرفيها للأختيار منها الاشخاص اللى هيتم نزول كشف طبى لهم ان شاء الله ودا طبعاً بعداستبعاد المحظورين أمنياً واللى تحرياتهم كانت سيئة

سادساً :- الكشف الطبى (الف الف مبروك ياباشا)

راجع المشاركة السابقة

سابعاً :-نزول اسماء المعينين فى الجرائد (الرسمية (والله الف مبروك ياباشا بس متنساناش وربنا يقدرك ويعينك على أداء مهامك الوظيفية على أكمل وجه )

بعد كده بيتم التنسيق مع الاعضاء الجدد على ميعاد حلف اليمين واستلام الكارنيهات والذى منه وطبعاً المجلس يختلف عن غيره وان شاء الله تشوف ده بنفسك

ثالثا : هيئة قضايا الدولة ( هيئة الدفاع عن الحكومة )

أولاً:- السحب والتقديم

أ‌- ميعادالسحب(هناك اختلاف في العنوان)
يوم ...حسب الوارد فى الاعلان... ان شاء الله هتروحوا تسحبو الملفوسعر الملف 50 جنيه وميعاد السحب هيبقى من يوم ...حسب الوارد فى الاعلان........إلى يوم ......حسب الاعلان... ودا نفس ميعاد التقديم أى انك خلال هذه المدة تسحب الملف وتقدمه وطبعاً الملف بيتسحب من هيئة قضايا الدولة بمجمع التحرير و اللي عنوانها (مجمع التحرير الدور 12)طبعاً غنى عن التعريف

ب- محتويات الملف (هناك اختلاف عن الإدارية ومجلس الدولة)

حضرتك بعدماتسحب الملف ستجده مكون من الاتى :-
1- طلب تعيين باسم السيد المستشار رئيس هيئة قضايا الدولة
2- وثيقة تعارف لجميع العائلة ودى طبعاً بتكون فيها اماكن للأقارب وأزواجهم ولكن ليس بالتفصيل الوارد فى وثائق النيابة الادارية فيراعى الدقة وعدم الشطب ( ومتنساش صور صورة لنفسك عشان ان شاء الله لما تجيلك تحريات تبقى تراجع بياناتك منها لأنك هتتسأل فيها هناك أسئلة خفيفة كما سيأتى لاحقاً )
3- جواب تحريات للمباحث جواب اسمه جواب تحريات هتملا بياناته وبس .
وعلى فكرة مسألة دورات الكمبيوتر لها خانات في الوثيقة بتاعت الهيئة يعنى لها دور أكيد (مجرد أفضلية)
· وبعدين اياً كانت المحتويات انت خلاص بقى عندك خبرة من الهيئات السابقة يعنى احنا مبيهمناش أياً كانت الملفات احنا هنقدر نتعامل معاها .
ج- التقديم
هتروح تقدم الملف بتاعك على أقصى تقدير يوم .....أخر يومفى الاعلان...... الموظف اللى هيستلم منك الملف هيراجعه وهيقولك تيجى يوم كذا تعرف الميعاد بتاع المقابلة هيكون امتى . (التقديم طبعاً فى نفس مكان السحب)

ثانياً : المقابلةالشخصية

اعتقد أنت خلاص بقيت راجل بتاع المقابلات الصعبة يعنى ميهمكش من حتة مقابلة فانا بقى مش محتاج اكرر الكلام اللى قلناه قبل كده انا واثق ان انت بقيت قدها يابطل ما دمت واثق من نفسك يبقى خلاص هتعدى كل الصعاب يا راجل دا احنا طلعنا القمر مش هنعرف نعمل مقابلة خلينا فى الاهم.
وبعد كده الانتظار لحين نزول تحريات .

ثالثاً :- نزول التحريات(بدأنا فى الجد)

راجع المشاركات السابقة

طبعاً تحريات الهيئة زى الإدارية متقلقش لكن فيه هنا حاجة عايزيين نوضحها ايه هيا ان اللى له تحريات سابقة فى اى هيئة مبينزلوش تحريات تانى بمعنى لو نجح فى المقابلة فالهيئة بتاخد التحريات السابقة بتاعته اللى كانت فى مكتب الامن فى الوزارة بمعنى أصح ان الهيئة بتبعت ملفك للمكتب في الوزارة وبتطلب منهم عمل التحريات اللازمة لك فالمكتب بيقوم بإرسال التحريات بتاعتك اللى عندهم للهيئة ولو ملكش عندهم تحريات بينزلولك تحريات من بدايتها اما مثلاً لو كان ليك تحريات إدارية أو هيئة قضايا وأنت مثلاً مقدم في العامة أو المجلس فمكتب الامن فى الوزارة بيعملك تحريات أمن قومى ويرفقها مع تحرياتك السابقة اللى عندهم (أمن الدولة والجنائي) ويبعتها لمن طلبها .
أما لو كانت تحرياتك عدى عليها فترة بعيدة فبينزلولك تحريات جديدة خالص ودا المشهور فى الحالة اللى معانا دى زى محصل فى دفعتى 2007 كان فيه ناس نزلها تحريات ادارية وعملوها وخلصوها وبعدين نزلهم تحريات عامة منفصلة لوحدها ومخدوهاش من مكتب الامن ولكن دا راجع لأن العامة بتعمل تحرياتها دون الرجوع لمكتب الامن فى الوزارة واعتقد ان المجلس نفس الحكاية ولكن الادارية وهيئة القضايا حبايب مفيش مشاكل .
وطبعاً هيئة القضايا مفيهاش تحريات أمن قومى (مخابرات).

رابعاً:- مرحلة ما بعد التحريات(الانتظارثم الانتظار ثم الانتظار )

راجع المشاركات السابقة

سادساً :- الكشف الطبى (الف الف مبروك ياباشا)

ادعولى ربنا يوفقنى وينزلى كشف طبى وانا هبلغكم ان شاء الله بيحصل فيه ايه بالظبط (اللى أعرفه عن الكشف الطبى ان أحد المستشاريين بيتصل بيك وبيقولك الف مبروك حضرتك قبلت فى مجلس الدولة وهتيجى يوم كذا الساعة كذا عشان تكشف طبى وهيقولك على المكان والكشف بيكون عينة بول فقط للكشف عن المخدرات واللى بيكون فى مصلحة الطب الشرعىبالوزارة(وبالتوفيق ان شاء الله)

سابعاً :-نزول أسماء المعينين في الجرائد (الرسمية (والله الف مبروك ياباشا بس متنساناشوربنا يقدرك ويعينك على أداء مهامك الوظيفية على أكمل وجه )

ثالثا : هيئة قضايا الدولة ( هيئة الدفاع عن الحكومة )

أولاً:- السحب والتقديم

أ‌- ميعادالسحب(هناك اختلاف في العنوان)
يوم ...حسب الوارد فى الاعلان... ان شاء الله هتروحوا تسحبو الملفوسعر الملف 50 جنيه وميعاد السحب هيبقى من يوم ...حسب الوارد فى الاعلان........إلى يوم ......حسب الاعلان... ودا نفس ميعاد التقديم أى انك خلال هذه المدة تسحب الملف وتقدمه وطبعاً الملف بيتسحب من هيئة قضايا الدولة بمجمع التحرير و اللي عنوانها (مجمع التحرير الدور 12)طبعاً غنى عن التعريف

ب- محتويات الملف (هناك اختلاف عن الإدارية ومجلس الدولة)

حضرتك بعدماتسحب الملف ستجده مكون من الاتى :-
1- طلب تعيين باسم السيد المستشار رئيس هيئة قضايا الدولة
2- وثيقة تعارف لجميع العائلة ودى طبعاً بتكون فيها اماكن للأقارب وأزواجهم ولكن ليس بالتفصيل الوارد فى وثائق النيابة الادارية فيراعى الدقة وعدم الشطب ( ومتنساش صور صورة لنفسك عشان ان شاء الله لما تجيلك تحريات تبقى تراجع بياناتك منها لأنك هتتسأل فيها هناك أسئلة خفيفة كما سيأتى لاحقاً )
3- جواب تحريات للمباحث جواب اسمه جواب تحريات هتملا بياناته وبس .
وعلى فكرة مسألة دورات الكمبيوتر لها خانات في الوثيقة بتاعت الهيئة يعنى لها دور أكيد (مجرد أفضلية)
· وبعدين اياً كانت المحتويات انت خلاص بقى عندك خبرة من الهيئات السابقة يعنى احنا مبيهمناش أياً كانت الملفات احنا هنقدر نتعامل معاها .
ج- التقديم
هتروح تقدم الملف بتاعك على أقصى تقدير يوم .....أخر يومفى الاعلان...... الموظف اللى هيستلم منك الملف هيراجعه وهيقولك تيجى يوم كذا تعرف الميعاد بتاع المقابلة هيكون امتى . (التقديم طبعاً فى نفس مكان السحب)

ثانياً : المقابلةالشخصية

اعتقد أنت خلاص بقيت راجل بتاع المقابلات الصعبة يعنى ميهمكش من حتة مقابلة فانا بقى مش محتاج اكرر الكلام اللى قلناه قبل كده انا واثق ان انت بقيت قدها يابطل ما دمت واثق من نفسك يبقى خلاص هتعدى كل الصعاب يا راجل دا احنا طلعنا القمر مش هنعرف نعمل مقابلة خلينا فى الاهم.
وبعد كده الانتظار لحين نزول تحريات .

ثالثاً :- نزول التحريات(بدأنا فى الجد)

راجع المشاركات السابقة

طبعاً تحريات الهيئة زى الإدارية متقلقش لكن فيه هنا حاجة عايزيين نوضحها ايه هيا ان اللى له تحريات سابقة فى اى هيئة مبينزلوش تحريات تانى بمعنى لو نجح فى المقابلة فالهيئة بتاخد التحريات السابقة بتاعته اللى كانت فى مكتب الامن فى الوزارة بمعنى أصح ان الهيئة بتبعت ملفك للمكتب في الوزارة وبتطلب منهم عمل التحريات اللازمة لك فالمكتب بيقوم بإرسال التحريات بتاعتك اللى عندهم للهيئة ولو ملكش عندهم تحريات بينزلولك تحريات من بدايتها اما مثلاً لو كان ليك تحريات إدارية أو هيئة قضايا وأنت مثلاً مقدم في العامة أو المجلس فمكتب الامن فى الوزارة بيعملك تحريات أمن قومى ويرفقها مع تحرياتك السابقة اللى عندهم (أمن الدولة والجنائي) ويبعتها لمن طلبها .
أما لو كانت تحرياتك عدى عليها فترة بعيدة فبينزلولك تحريات جديدة خالص ودا المشهور فى الحالة اللى معانا دى زى محصل فى دفعتى 2007 كان فيه ناس نزلها تحريات ادارية وعملوها وخلصوها وبعدين نزلهم تحريات عامة منفصلة لوحدها ومخدوهاش من مكتب الامن ولكن دا راجع لأن العامة بتعمل تحرياتها دون الرجوع لمكتب الامن فى الوزارة واعتقد ان المجلس نفس الحكاية ولكن الادارية وهيئة القضايا حبايب مفيش مشاكل .
وطبعاً هيئة القضايا مفيهاش تحريات أمن قومى (مخابرات).

رابعاً:- مرحلة ما بعد التحريات(الانتظارثم الانتظار ثم الانتظار )

راجع المشاركات السابقة

سادساً :- الكشف الطبى (الف الف مبروك ياباشا)

ادعولى ربنا يوفقنى وينزلى كشف طبى وانا هبلغكم ان شاء الله بيحصل فيه ايه بالظبط (اللى أعرفه عن الكشف الطبى ان أحد المستشاريين بيتصل بيك وبيقولك الف مبروك حضرتك قبلت فى مجلس الدولة وهتيجى يوم كذا الساعة كذا عشان تكشف طبى وهيقولك على المكان والكشف بيكون عينة بول فقط للكشف عن المخدرات واللى بيكون فى مصلحة الطب الشرعىبالوزارة(وبالتوفيق ان شاء الله)

سابعاً :-نزول أسماء المعينين في الجرائد (الرسمية (والله الف مبروك ياباشا بس متنساناشوربنا يقدرك ويعينك على أداء مهامك الوظيفية على أكمل وجه )

رابعا : النيابة العامة

النيابة العامة
(هيئة الدفاع عن المجتمع والمصلحة العامة)

أولاً:- السحب والتقديم

أ‌- ميعادالسحب(هناك اختلاف في العنوان)
يوم ...حسب الواردفى الاعلان... ان شاء الله هتروحوا تسحبو الملفوسعر الملف 50 جنيه وميعاد السحب هيبقى من يوم ...حسب الوارد فى الاعلان........إلى يوم ......حسب الاعلان... ودا نفس ميعاد التقديم أىانك خلال هذه المدة تسحب الملف وتقدمه وطبعاً الملف بيتسحب من محكمة النقض و اللي عنوانها طبعاً غنى عن التعريف
ب- التقديم
(التقديم طبعاً في نفس مكان السحب)

ثانياً : المقابلةالشخصية

هنا بقى الاختلاف اللى فى النيابة العامة عن بقية الهيئات الاخرى نوضح:-
كل الهيئات الاخرى المقابلة فيها مرة واحدة بس الا العامة فيها ثلاث مقابلات
1. التفتيش القضائى
2. مقابلة المحامى العام فى محافظتك
3. المقابلة النهائية ( اللجنة السباعية )
ولكن طبعاً المقابلة رقم 2 اتلغت (مقابلة المحامى العام فى محافظتك) وأصبحت العامة مقابلتين فقط ونوضح كل مقابلة بيحصل فيها ايه بالظبط ( يارب أكون بفيدكم):-
1. التفتيش القضائى
دى أول مقابلة بيعملها المرشح للنيابة العامة ودى مقابلة عادية جداً بتتسأل فيها عن بعض المعلومات اللى فى الملف بتاعك وممكن متتسألش أصلاً عن حاجة تروح وتقف امامه يبص فى الملف بتاعك وبعدين يبصلك كده بصة وبعدين يقولك اتكل على الله مع السلامة بس يعنى مقابلة عادية جداً متقلقش يا وحش .
2. السباعية
ودى بقى المهمة لأنك هتكون أمام أكبر سبع مستشارين فى العامة مش معنى كده انك تخاف لأ أوعى تتهز يا وحش دايماً خليك واثق من نفسك انت هتروح يا باشا حسب ميعاد جامعتك واللى هتعرفه من التليفون اللى هيجيلك بعد مقابلة التفتيش القضائى الموظف اللى هيكلمك هيقولك حضرتك عندك مقابلة يوم كذا يا باشا الساعة كذا هتروح هتلاقى جامعتك كلها هناك هيوزعوكم فى مجموعات المجموعة 10 الترتيب دائماً حسب المجموع التراكمى وهتلاقو ترابيزة موضوع عليها ورق الاسئلة كل واحد هيسحب ورقتين كل ورقة فيها سؤال يختار واحد يجاوب عليه امام اللجنة حد بقى ناقشك فى السؤال مش مهم لم يناقشك مش مشكلة المهم انك هتجاوب هيروح المستشار رئيس اللجنة كده ضاربلك بصة ولما العشرة يخلص كل واحد اجابته هيقولولكم اتفضلو وخلاص زى أى مقابلة كل اللى فيها ان الاسئلة مكتوبة بس مش أكتر المهم ذاكر الاسئلة اللى موجودة على المنتدى بس ومتخافش بس يا عم العملية مش غارقة يعنى .

وبعد كده الانتظار لحين نزول تحريات .

ثالثاً :- نزول التحريات

راجع المشاركات السابقة

طبعاً هنا بقى العامة غالباً بتعمل تحرياتها لوحدها ملهاش دعوة بالتحريات اللى كانت معمولة فى الهيئات الاخرى بمعنى لو ليك تحريات سابقة فى الوزارة العامة ملهاش دعوة بتنزلك تحريات من جديد وطبعاً العامة تحرياتها ثلاثة تحريات
1. أمن الدولة .
2. المباحث .
3. الامن القومى ( المخابرات )
وطبعاً احنا شرحنا كل نوع على حده قبل ذلك مفيش داعى بقى للتكرار.

رابعاً:- مرحلة ما بعد التحريات
(الانتظارثم الانتظار ثم الانتظار )

راجع المشاركات السابقة

سادساً :- الكشف الطبى
(الف الف مبروك ياباشا)

راجع المشاركات السابقة

سابعاً :-نزول أسماء المعينين في الجرائدالرسمية
(والله الف مبروك ياباشا بس متنساناش وربنا يقدرك ويعينك على أداء مهامك الوظيفية على أكمل وجه )

بعد كده بيتم التنسيق مع الاعضاء الجدد على ميعاد حلف اليمين واستلام الكارنيهات والذى منه وان شاء الله تشوف ده بنفسك

الأوراق المطلوبة للتقدم للهيئات القضائية المختلفة

1- شهادة الليسانس (الشهادة المؤقتة )
2- شهادة ببيان التقديراتعلى مدار السنوات الأربع ( بالنسبة لكليات الحقوق) أو الخمس بالنسبة للشريعة والقانون
3- صحيفة الحالةالجنائية للمتقدم ويشترط الصحيفة بالنسبة للأب في حالة التقدم النيابة العامة فقط
4- صوره البطاقة الشخصية للمتقدم وصورة البطاقة العائلية لوالد المتقدم
5- بيان حالة وظيفةللوالد وبيان بالمرتب (مفردات مرتب) والدرجة التي عليها الوالد والمؤهل المعين به والحالى ان وجد .
6- صور لعقود الممتلكات الخاصة بالأسرة ( الأب-الأم-المرشح) وهنا طبعاً مسألة الممتلكات مهمة جداً وخاصة فى العامة وأيضاً إذا كان للمرشح أو أي أحد من ألأسرة حيازة زراعية يرفقها بالأوراق .
7- عدد 8صور شخصية .
8- بيان الموقف منالتجنيد للذكور أو شهادة مؤقتة أو أن تقوم بعمل إقرار على موقفك من التجنيد وشهادةأداء الخدمة بالنسبة للإناث .
9- شهادةميلاد للمتقدم .

10- موافقة جهة العمل بالنسبة للعاملين بالجهات الحكومية .
· ملاحظات هامة :-
1. من الممكن أن يقوم بسحب الملف اى شخص أخر ولا يشترط أن يقوم المرشحبنفسه بسحب الملف
2. لا يجوز ان يزيد السن عن 30 سنة ميلادية.
3. صرف الملف يكون بعد تقديم صورة من اثبات الشخصية
4. بالنسبة لخريجى الشرطة لن يقبل الملف الا بالشهادة المؤقتة وشهادة السنوات الاربع

شكرا على افادتك الرائعه

الصراحه موضوع جامد جدا

الف شكر

تمام موضوع حلو اووووووووووووي بس عايز اعرف حاجه توضيح هيا السباعيه في النيابه بتبقي االاسئله في ورقه مش شفويه مالم يناقشني في السوال او في سوال اخر عكس المجلس والاداريه بتبقي شفوي يعني بيسالك وانتا تجاوب ممكن توضيح يعني بعد ازنكم

حتى الان والمتبع ف الدفعات السابقة بتبقى الاسئلة فى سباعية النيابة العامة فقط فى ورق تختار انته منها ورقة ، وغالبا انته بتبقى شايف اكتر الاسئلة وممكن تختارك احسن سؤال تعرف تجاوبة

» القانون الصادر بشأن تعديل بعض أحكام قانون السلطة القضائية وقوانين الهيئات القضائية 1993
» اول اجراء للخريج : اجراءات التجنيـــــد (تحضير اوراق الجيش)
» القانون 158 لسنة 20103 بشأن تعديل بعض أحكام قانون السلطة القضائية وقوانين الهيئات القضائية
» القانون الصادر بتعديل بعض أحكام قانون السلطة القضائية الصادر بالقانون رقم 46 لسنة 1972 وقوانين الهيئات القضائية 2007
» فترة التقديم فى الدراسات العليا - كلية الحقوق / جامعه المنصورة